मोहदा (ता. वणी, जि. यवतमाळ) – वणी तालुक्यातील मोहदा गावाच्या सीमेत सध्या 20 पेक्षा जास्त स्टोन थ्रेशर व खाण पट्टे सक्रिय असून, हे सर्व प्रकल्प थेट शेती क्षेत्रात – farming zone मध्ये – कार्यरत आहेत. ग्रामस्थांच्या म्हणण्यानुसार, हे संपूर्ण खाणकाम नियमबाह्य असूनही स्थानिक उद्योजकांच्या पाठबळावर बिनधास्त सुरू आहे. या खाणींमध्ये वापरण्यात येणारी यंत्रसामग्री व ट्रक मोठ्या प्रमाणावर गावातील शेतकऱ्यांच्या खासगी पांदन रस्त्यांचा वापर करत आहेत. परिणामी, हे रस्ते पूर्णतः खराब झाले असून, रस्त्यालगत असलेले विद्युत खांब देखील हलायला लागले आहेत – त्यामुळे अपघाताचा धोका वाढला आहे. या वाहतुकीमुळे शेतजमिनीचे मोठ्या प्रमाणावर नुकसान होत असून, बांध फुटणे, पिके खराब होणे आणि माती वाहून जाणे हे प्रकार वारंवार घडत आहेत.गावकऱ्यांचे ठोस आरोप:
1. शेतकऱ्यांचे खासगी रस्ते वापरणे – कोणतीही परवानगी न घेता.
2. शेतीचे नुकसान – कोणतीही भरपाई न देता.
3. विद्युत संरचना धोक्यात – अपघाताची भीती.
4. स्थानिक उद्योजकांना अघोषित प्रशासनिक पाठबळ.5. ग्रामस्थांच्या तक्रारींकडे दुर्लक्ष.
6. शेतकऱ्यांचे शेतात जाणारे सरकारी पांदन रस्ते हे Divertion करून खोदकाम करून Divertion झालेले पांदन रस्त्यांना कुठलीही सुरक्षा ठेवली नाही आहे.
ग्रामस्थांची मागणी:नियमबाह्य खाणपट्यांची चौकशी करून ती तात्काळ थांबवावी.कंपन्यांना स्वतंत्र वाहतूक मार्ग द्यावा व त्यास लेखी परवानगी असावी.झालेल्या शेती व रस्त्यांच्या नुकसानीची भरपाई शेतकऱ्यांना द्यावी.धोकादायक विद्युत खांब त्वरित सुरक्षित करावेत.स्थानिक ग्रामस्थांच्या सहमतीशिवाय नव्या कामांना परवानगी देऊ नये.
ग्रामस्थांनी असा प्रश्न उपस्थित केला आहे की, “इतक्या मोठ्या प्रमाणावर गैरव्यवस्था सुरू असताना मोहदा ग्रामपंचायत यावर कारवाई का करत नाही?” गावात यावरून तीव्र चर्चा रंगत असून, ग्रामपंचायतीच्या भूमिकेवर प्रश्नचिन्ह उपस्थित होत आहे.गावकरी आणि शेतकरी लवकरच मोठ्या आंदोलनाची भूमिका घेतील, अशी शक्यता असून, प्रशासनाने वेळेत दखल घेणे आवश्यक आहे.
