🔹 नागरिकांची प्रतीक्षा संपली; बससेवा सुरू होणार, प्रवास गैरसोय दूर होणारप्रवासाचा मार्ग सुकर! १७ जूनपासून चंद्रपूर–मुकुटबन बससेवा वेळाबाई–मोहदा नेरड – पुरड मार्ग सुरूपरिसरातील नागरिकांच्या मागणीवर मधुकर लांडे यांच्या पाठपुराव्याला यश

Updated On: June 15, 2026 3:23 pm

---Advertisement---

वेळाबाई, मोहदा, कृष्णापूर, पुरड, मुकुटबन तसेच परिसरातील नागरिकांसाठी आनंदाची बातमी आहे. नागरिक, रुग्ण आणि शालेय विद्यार्थ्यांच्या सोयीसाठी चंद्रपूर – चारगाव चौकी – वेळाबाई – मोहदा – कृष्णापूर – पुरड – मुकुटबन या मार्गावर राज्य परिवहन महामंडळाची बस सेवा दि. १७ जून २०२६ पासून सुरू होत आहे.

या बससेवेसाठी परिसरातील नागरिकांकडून सातत्याने मागणी होत होती. नागरिकांच्या अडचणी लक्षात घेऊन सामाजिक कार्यकर्ते मधुकरभाऊ लांडे यांनी चंद्रपूर डेपो प्रशासनाकडे सातत्याने पाठपुरावा केला. त्यांच्या प्रयत्नांना अखेर यश मिळाले असून डेपो व्यवस्थापनाने बससेवा सुरू करण्यास मंजुरी दिली आहे.

बससेवा सुरू झाल्यामुळे रुग्णांना उपचारासाठी, विद्यार्थ्यांना शिक्षणासाठी तसेच सर्वसामान्य नागरिकांना दैनंदिन प्रवासासाठी मोठा दिलासा मिळणार आहे. अनेक वर्षांपासून भेडसावत असलेली प्रवासाची गैरसोय दूर होणार असून नागरिकांना सुरक्षित, सोयीस्कर आणि कमी खर्चात प्रवासाची सुविधा उपलब्ध होणार आहे.

या निर्णयामुळे परिसरातील जनतेमध्ये आनंदाचे वातावरण निर्माण झाले असून मधुकरभाऊ लांडे यांच्या प्रयत्नांचे सर्व स्तरातून स्वागत करण्यात येत आहे.

“जनतेच्या मागणीला न्याय; १७ जूनपासून बससेवा सुरू – आता नागरिकांची प्रवास गैरसोय दूर होणार!” 🚍🚌👏