🚌 मोहद्यात बस आली… अन् राजकीय चर्चेची गाडी सुसाट! 😄🔥श्रेयावरून रंगली गावगप्पा; आता कमळ विरुद्ध धनुष्यबाणची चर्चा!

Updated On: August 17, 2026 7:14 pm

---Advertisement---

मोहदा : वणी–मुकुटबन मार्गावरील चारगाव–मोहदा–कृष्णानापूर–पुरड मार्गे वणी आगाराची बससेवा अखेर सुरू झाली आणि मोहदा गावात प्रवाशांच्या चेहऱ्यावर आनंदाचे हसू उमटले. शाळकरी विद्यार्थी, शेतकरी, नोकरदार, व्यापारी आणि नागरिकांना या बससेवेमुळे मोठा दिलासा मिळाला आहे.

ओव्हरलोड ट्रकच्या वाहतुकीमुळे रस्त्याची अवस्था खराब झाली होती. त्यामुळे बससेवा बंद झाल्यानंतर नागरिकांना मोठ्या अडचणींचा सामना करावा लागत होता. रस्ता असा झाला होता की, बसचा प्रवास कमी आणि धक्क्यांचा व्यायाम जास्त! 😂

बससेवा पुन्हा सुरू व्हावी यासाठी या मार्गावरील विविध गावांतील राजकीय, सामाजिक कार्यकर्ते, शिक्षक, विद्यार्थी, युवक आणि नागरिकांनी आपापल्या परीने निवेदने देत प्रशासनाकडे पाठपुरावा केला. अखेर बससेवा सुरू झाली आणि प्रवाशांनी सुटकेचा निश्वास सोडला.

😄 😄 बस आली… पण त्यानंतर गावात सुरू झाली दुसरीच ‘सफर’!

बससेवेचे स्वागत झाले, आनंद झाला; पण लगेचच गावातील चर्चेची गाडी वेगाने धावू लागली—

“बससेवा सुरू होण्याचे श्रेय नेमके कोणाचे?

” 🤔कुणी म्हणतंय, “आम्ही निवेदन दिलं होतं!

“कुणी म्हणतंय, “आम्ही पाठपुरावा केला होता!

“तर काहीजण मिश्कीलपणे म्हणतायत—

“बस सगळ्यांच्या प्रयत्नांनी आली रे बाबा… आता श्रेयाच्या बसमध्ये कोण आधी चढतंय ते बघा!

” 😂🔥म्हणूनच मोहद्यात सध्या बससेवेपेक्षा श्रेयाची चर्चा जास्त रंगताना दिसत आहे.

मात्र, वास्तव पाहता या बससेवेसाठी अनेकांनी आपल्या परीने प्रयत्न केले आहेत. त्यामुळे या यशाचे श्रेय कोण्या एका व्यक्तीचे नसून संपूर्ण परिसरातील नागरिकांच्या सामूहिक प्रयत्नांचे असल्याची भावना व्यक्त होत आहे.

—

🌸 कमळ विरुद्ध 🏹 धनुष्यबाण?आता राजकीय चर्चेने पकडला वेग!

बससेवेचा प्रश्न मार्गी लागला आणि गावातील चर्चेची गाडी आता थेट आगामी जिल्हा परिषद निवडणुकीच्या मैदानाकडे वळली आहे.

🔥एका गावातील एकाच घरातून दोन उमेदवार निवडणुकीच्या रिंगणात उतरणार असल्याची चर्चा सध्या गावात आणि परिसरात चांगलीच रंगली आहे.

एका बाजूला 🌸 कमळ…

दुसऱ्या बाजूला 🏹 धनुष्यबाण…

मग गावात मिश्कील सवाल सुरू—

“घर एकच… चहा एकच… पण निवडणुकीची रणनीती वेगवेगळी?”

😂आता जर हे दोन्ही उमेदवार प्रत्यक्ष मैदानात उतरले, तर हा सामना निश्चितच लक्षवेधी ठरणार असल्याची चर्चा आहे.

गावातील जुनी राजकीय समीकरणे बदलणार का?

कोण कोणाच्या पाठीशी उभे राहणार?

मतांचे गणित कोणाच्या बाजूने झुकणार?

आणि सर्वात महत्त्वाचे म्हणजे—

घर एकच… पण राजकीय झेंडे दोन? 🚩🔥

बससेवा सुरू झाली हे नागरिकांसाठी आनंदाची बातमी आहे; पण आता बसच्या प्रवासापेक्षा राजकीय चर्चेचा प्रवास कुठे जाऊन थांबतो, याकडेच गावकऱ्यांचे लक्ष लागले आहे!😄🔥

उमेदवारीबाबत अद्याप अधिकृत घोषणा झालेली नाही. त्यामुळे सध्या ही गावातील आणि परिसरातील राजकीय चर्चा आहे.

📰 छत्रपती वार्ता

“आपली माती… आपली बातमी!”