वणी तहसील अंतर्गत येत असलेले मोहदा व कृष्णानपुर या गावातील सुमारे ५० विद्यार्थी विद्यार्थिनी दररोज शिक्षणासाठी नालंदा विद्यालय, वेळाबाई येथे जातात. मात्र, या मार्गावर कुठलीही बस सेवा उपलब्ध नसल्यामुळे विद्यार्थ्यांना खासगी वाहनांवर अवलंबून राहावे लागत आहे. खराब रस्त्यांमुळे व ओव्हरलोड वाहतुकीमुळे रोड वरील खड्ड्या मुळे बंद असून याचा थेट परिणाम विद्यार्थ्यांच्या नियमित शालेय उपस्थितीवर व शिक्षणावर होत आहे. अनेक वेळा वाहन उपलब्ध न झाल्याने विद्यार्थी परत घरी जावे लागते आणि त्यामुळे अभ्यासक्रम मागे पडतो.
अशा प्रतिकूल परिस्थितीतही या वर्षी नालंदा विद्यालयाने ग्रामीण भागात उल्लेखनीय यश संपादन केले. या यशामध्ये मुख्याध्यापक मानकर सर व शिक्षकांचे अथक परिश्रम आणि विद्यार्थ्यांचे संघर्ष दिसून येतो.
अथक त्रास सहन करून मुलींना शिक्षण घेण्या करीता खासगी वाहनातून करावा लागत आहे प्रवास या समस्येवर उपाय शोधण्यासाठी मोहदा गावातील स्वयंसेवक राहुल पावडे, संदेश शंभरकर,विशाल कुचनकर, वैभव ढूमणे, अमोल मेश्राम,वामन उईके तसेच विद्यार्थ्यांचे पालक बंडू हनुमंते, प्रशांत जुनगरी, मनोज ठावरी, संदीप ढवळे, विक्की बोरांदिया, संजय दुधकोहळ उत्तम खंडरे इत्यादी पालक आदींनी पुढाकार घेतला. नालंदा विद्यालयात भेट देऊन मुख्याध्यापक व शिक्षकांशी चर्चा करत विद्यार्थ्यांच्या हालअपेष्टा समजून घेतल्या.
यानंतर सर्वांनी मिळून राज्य परिवहन महामंडळ वणी बस आगार तसेच वणी विधानसभा क्षेत्राचे मा. आमदार संजय भाऊ देरकर यांना निवेदन दिले. वणी–कायर–पुरड मार्गे वेळाबाई असा पर्यायी मार्ग सुचवून त्वरित बस सेवा सुरू करण्याची विनंती करण्यात आली.
21 जुलै ला निवेदन दिले या मागणीवर सकारात्मक प्रतिसाद देत मा. संजय भाऊ देरकर आणि राज्य परिवहन महामंडळ वणी यांनी लवकरच ट्रायल घेऊन बस सेवा सुरू करण्याचे आश्वासन दिले आहे.
हा निर्णय विद्यार्थ्यांच्या उज्ज्वल भविष्यासाठी एक महत्त्वपूर्ण पाऊल ठरणार असून गावकरी, पालक आणि शिक्षकांमध्ये आनंदाचे वातावरण आहे.
