🚨 ब्रेकिंग न्यूज | मोहदा गावात अवैध खदान उत्खनन सुरू💥 गावकऱ्यांच्या घरांना हादरे; ग्रामस्थांत प्रचंड संताप…

वणी (प्रतिनिधी) – वणी तालुक्यातील मोहदा गावातील गट क्र. 283 मधील खदान पुन्हा अवैध पद्धतीने सुरू झाल्याचा आरोप ग्रामस्थांनी केला आहे. या खदानाची लिज संपून अनेक दिवस झाले असूनही मोठ्या प्रमाणात उत्खनन व ब्लास्टिंग सुरू असल्याने ग्रामस्थांत तीव्र संताप आहे.—

⚠️ धोकादायक परिस्थिती

विदर्भ प्रोजेक्ट कंपनीच्या नावाने चालवली जाणारी ही खाण, लिज संपलेली असुन संपल्यानंतर आपोआप बंद होणे आवश्यक होते. याशिवाय काही महिन्यांपूर्वी खाणीत पोकलंड मशीन पडून मोठी दुर्घटना घडली होती. त्या घटनेनंतर खाण बंद राहिली होती; मात्र आता पुन्हा बेकायदेशीरपणे उत्खनन सुरू असल्याचे स्थानिकांचे म्हणणे आहे.—

🏠 गावाच्या सुरक्षेला गंभीर धोका

गाव केवळ 100 मीटर अंतरावर आहे. सतत होणाऱ्या ब्लास्टिंगमुळे घरांना हादरे बसत आहेत व घरांना तळे जात आहे. “घरं अंगावर कोसळतील की काय, अशी भीती आम्हाला वाटत आहे”, अशी ग्रामस्थांची तक्रार आहे.

DGMS (Directorate General of Mines Safety) नियमानुसार गावापासून किमान 500 मीटर ‘Danger Zone’ अंतर ठेवणे बंधनकारक आहे. मात्र सदर खाणीत हा नियम उघडपणे धाब्यावर बसवण्यात आला आहे.—

💥 स्फोटकांचा बेकायदेशीर वापर

चंद्रपूर येथील हर्षल काहाळे हे व्यक्ती खाणीत स्फोटक पुरवतात व त्याचा वापर ब्लास्टिंगसाठी केला जात असल्याचा ग्रामस्थांचा आरोप आहे.

👉 Explosives Act, 1884 नुसार परवानगीशिवाय स्फोटकांचा साठा, पुरवठा अथवा वापर करणे हा गंभीर व दंडनीय गुन्हा आहे.—

📜 कायद्याचे उल्लंघन

लिज संपल्यानंतरही उत्खनन करणे हे MMDR Act, 1957 कलम 21 अंतर्गत दंडनीय अपराध.

गाव व पर्यावरणाच्या सुरक्षेला धोका निर्माण करणे हे पर्यावरण संरक्षण कायदा, 1986 कलम 15 चे उल्लंघन.

स्फोटकांचा बेकायदेशीर वापर करणे हे Explosives Act, 1884 कलम 9B चे उल्लंघन.—

🚨 ग्रामस्थांचा इशाराग्रामस्थांच्या मते, “खदान बंद आहे की चालू, याबाबत मोहदा ग्रामपंचायत भूमिका स्पष्ट करत नाही. ग्रामपंचायतीचे मौन ही संशयास्पद बाब आहे.”ग्रामस्थांनी प्रशासनाला स्पष्ट मागणी केली आहे की, “तात्काळ कारवाई करून अवैध खदान उत्खनन थांबवले नाही, तर आम्ही तीव्र आंदोलन उभारू.”