प्रभाग क्रमांक ४ मध्ये निवडणुकीचे वातावरण चांगलेच रंगले असून, धनशक्ती आणि कार्यशक्ती यांच्यातील थेट सामना पाहायला मिळत आहे. इतर तीन पक्षांचे उमेदवार आपल्या प्रचंड धनशक्तीच्या आधारावर मतदारांपर्यंत पोहोचण्याचा प्रयत्न करत असताना, सागर मुने मात्र आपल्या कार्यशक्तीवर आणि जनसमर्थनावर आधारित दमदार प्रचार करताना दिसत आहेत.
सागर मुने यांनी गेल्या अनेक वर्षांत केलेल्या सामाजिक कार्यामुळे त्यांना स्थानिक पातळीवर मोठी ओळख मिळाली आहे. त्यांच्या कामाबद्दल समाधान व्यक्त करत अनेक नागरिक त्यांच्याकडे पहिल्या पसंतीने पाहत आहेत. जनतेचा उत्स्फूर्त प्रतिसाद पाहता त्यांच्या सभांना आणि भेटीगाठींना अपेक्षेपेक्षा अधिक उपस्थिती दिसत आहे.
निवडणूक प्रचारादरम्यान “रामकृष्ण हरी… वाजवा तुतारी…” असा जोशपूर्ण नारा देत सागर मुने आपल्या कार्याचा आणि प्रामाणिकतेचा संदेश मतदारांपर्यंत पोहोचवत आहेत. त्यांच्या या उत्कट व ऊर्जावान प्रचारशैलीमुळे प्रभागातील वातावरणात उत्साहाचं रंग भरलं आहे.
धनशक्तीचा गाजावाजा करणाऱ्या उमेदवारांच्या तुलनेत सागर मुने यांच्या कर्मयोगी प्रतिमेला मिळणारा जनतेचा प्रचंड प्रतिसाद पाहता, प्रभाग ४ मधील नागरिकांनी कोणत्या प्रकारच्या नेतृत्वाला प्राधान्य द्यायचे ते स्पष्ट होताना दिसत आहे.
